لمدابزة ديالهم حسن من لحموضة لي كيقدمو فالتلفزة والراديو

هاكدا دخلات الفنانة المراكشية لبنى ابيضار  على خط خلاف المنشط الإذاعي مومو بوصفيحة و رشيد العلالي

خلاف العلالي ومومو، ناض بسبب تصريح بوصفيحة بعدم إعجابو بأحد البرامج التلفزية  على خاصية ستوري ف انستجرام ، هادشي لي خلا بزااف د ناس يضنو انو كيقصد برنامج رشيد شو على القناة الثانية و انو هاجم زميلو رشيد العلالي

موراها رد عليه العلالي تاهو فستوري و فكرو فحلقة كان ستاضفو فيها  و سولو علاش كنسمعوك و مكنشوفوكش باش يجاوبو مومو بانو باقي ميسرش ليه الله فخدمة فالتلفزة و انو كيحلم باش يدوز هاد التجربة و سخر منو رشيد فالستوري بأن اي واحد من حقو يحلم مع ايموجي كيبكي كنوع من قليان السم

و باش يعاود مومو يرد فستوري و يقوليه فيه انو  » اصلا مداويش عليه غي هو تيقفز، وراك غي محسوس حيت اصلا برنامج رشيد شو فالخانة لي راه داوي عليها » ، و قاليه بالحرف » انو هارب عليه و غادي يطحنو فالتلفزة من ناحيت المحتوى و الافكار » .

بغض النظر على شكون لي عندو الحق و لا شكون لي المحتوى ديالو حسن من لاخر

فنظركم  برامج التلفزة و الإذاعة فالمغرب بشكل عام ممكن نعتابروها برامج ترفيهية و محبوبة عند المغاربة  ؟